Buod ng Mensahe ng Butil ng Kape

BUOD

        Sa unang pangyayari, dumaing ang anak ng magsasaka na hindi niya maranasan ang marangyang buhay at puro hirap at pagod ang kanyang nadarama. Sa kabilang banda, tinawag ng ama ang anak upang pumunta sa kusina at sa pagdaing ng anak ay wala ni isa man lang siyang narinig mula sa kanyang ama.

        Nagpakulo ng tubig ang ama at isa isang inilagay ang carrot, itlog, at butil ng kape. Pagkatapos ay tinanong ng ama ang anak kung ano ang mangyayari. Napansin ng anak na ang carrot ay lumambot, ang itlog na matapos mabalatan ito ay naging buo at matigas, at sa butil naman ng kape ito ay natunaw at nagkaroon ng matingkad na kulay. Matapos ang pagkakalaga tinanong ng ama kung alin siya dito sa tatlo at ipinaliwanag isa isa ang maaaring kahihinatnan sa totoong buhay.

        Unang ipinaliwanag ng ama ang carrot na naging malambot, na sumisimbolo sa pagiging mahina, pangalawa ay ang itlog na naging matigas na ipinahihiwatig ang pagkamapride at hindi marunong magpatawad, panagatlo ay ang butil ng kape na nagpapatatag sa lahat ng pagsubok sapagkat ito ay nagkakaroon ng matingkad na kulay at habang tumatagal ay bumabango. Matapos ang mahabang paliwanag ng ama, tinanong niya ang anak kung ito ay magiging carrot, itlog, o butil ng kape. Ngumiti lang ang anak at sinabi na siya ay magiging isang butil ng kape na katulad ng kanyang ama.

Repleksyon ng Mensahe ng butil ng kape

REPLEKSYON

        Sa kwento ng butil ng kape, maganda ang naging laman o mensahe nito. Sa pagiging isang nilalang sa mundo, katulad ng nasa kwento kailangan natin na maging isang butil ng kape upang lahat nang dumating na pagsubok ay kaya nating lampasan. Mahirap man at nakakasawa na ang mga problemang dumarating, kailangan parin natin itong harapin. Hindi naman siguro ito darating kung alam ng Poong Maykapal na hindi natin ito kayang lagpasan. Darating din tayo sa punto na hindi natin namamalayan na ang problemang ating kinakaharap ay unti unti nating nareresolba.

        Sa pagiging isang carrot na habang inilalaga ay unti unti namang lumalambot. Oo nga at nakararanas tayo g napakalaking pagsubok, ngunit magiging ganito ka ba kahina para hindi harapin ang problema? Mas lalo lamang magiging hindi ka komportable o palagi mo nalang ba itong ipapaisantabi. Mga negatibo ang pumapasok sa isipan kaya nagiging mahina ang ating loob. Sa pagkamahina mo, sa tingin mo ba magiging matagumpay ka ba sa panghinaharap?

        Sa itlog na inilabon at naging matigas, tumutukoy ito sa mga taong walang awa at hindi marunong magpatawad. Sa pagkakaalam ko lahat tayo ay may karapatang magpatawad kahit na sobrang laki nang kasalanan na nagawa sa atin. Minsan dahilan nang sobrang galit, natitiis natin na hindi magpatawad. Pero sa huli nananaig parin ang kabutihang loob at napapaisip tayo na mali ang hindi magpatawad. Diyos nga ay nakakapagpatawad tayo pa kaya na kanyang nilikha.

        Lahat tayo ay may pinagdaraanan sa buhay, minsan masaya at kabaligtaran nito ay may lungkot. Sa bawat pagsubok na ating kakaharapin nararapat lamang na maging matibay at positibo. Huwag kaagad sumuko sa kahit anong problemang dumating. Ngitian nalang at tandaan na nasa itaas ang Diyos na handang tumulong sa kahit na anong oras. May kasabihan tayo na “nasa tao ang gawa, nasa Diyos ang awa”.